Së këndejmi, një grup teologsh nga brenda BFI-së, me në krye Myftiun e Myftnisë së Shkupit, H. Ibrahim ef. Shabani, ndërmorën një nismë për të kërkuar reforma të thella në Bashkësinë Fetare Islame me qëllim të rikthimit të imazhit pozitiv që e kishte dikur ky Institucion. Nisma në fjalë nuk u mirëprit nga ana e Sulejman Rexhepit, i cili duke keqpërdorur pozitën e uzurpuar të Reisit të BFI-së i largoi nga puna përfaqësuesit e Nismës për Reforma në BFI dhe kundër tyre ngriti procedurë gjyqësore duke e gjetur përkrahjen prej disa strukturave qeveritare të BDI-së në kundërshpërblim të veprimtarive korruptive.
Këto veprime, natyrisht, nuk do të ngelin pa u regjistruar dhe pa u publikuar në opinion. Dalja e Nismës për Reforma në BFI me një Platformë origjinale mbi nevojën imediate që të veprohet në këtë Institucion, në fakt vetëm sa e ka sensibilizuar opinionin e gjerë mbi veprimtaritë kriminale dhe korruptive të kreut aktual të BFI-së. Paralelisht me ketë sensibilizim gjithnjë e më shumë është shtuar përkrahja që i jepet Nismës për ta çrrënjosur këtë fenomen si dhe të gjithë aktorët e korrupsionit në BFI.
Ky raport paraqet rezultatet e një sondazhi të kryer në Maqedoni nëpër vendbanimet ku jetojnë myslimanët e vendit, me tre kampione të ndryshme. Sondazhi është bërë me tre kampionë: kampioni i besimtarëve, kampioni i teologëve të angazhuar nëpër xhami dhe kampioni me myftitë dhe nëpunësit e 13 Myftinive (qytete me rrethinë) të Maqedonisë, në periudhën Nëntor 2016 – Janar 2017.
Objektivi kryesor i sondazhit është të masë perceptimet dhe besueshmërinë e besimtarëve myslimanë në lidhje me BFI-në dhe organet e saj. Sondazhe të tjera të ngjashme mund të kryhen në vazhdimësi në vitet që vijnë dhe rezultatet të këtij sondazhi të parë mund të përdoret si bazë për të përcjellë kurbën e këtij perceptimi dhe besueshmërie përgjatë viteve.
Sondazhin në tërësi e keni ne linkun e meposhtëm
CLICK HERE :https://ufoconsulting.files.wordpress.com/2017/02/besimi-ne-organet-e-bfi-ne-rm.pdf