Në territorin e Myftinisë së Kërçovës, përveç që u mbyllën gati të gjitha xhamitë, siç njohton portali maqedonas MKD.mk me urgjencë, në gjendje kome, është sjellë në Shkup, Myftiu i kësaj Myftinie, efendi Murat Hyseini. Po ashtu, sipas ketij portali, në shërim shtëpiak është edhe shefi i ri i kabinetit të Shaqir Fetait, Selver Xhemaili. Portali informon se i ka kontaktuar edhe shërbimet e BFI-së të cilat ia kanë konfirmuar lajmin por nuk dinë të tregojnë se në ç’gjendje janë të sëmurit. Këta të dy të infektuar (dhe jo vetëm) kanë pritur dhe përcjellë këto ditë mjaft delegacione, madje të fundit kanë qenë delegacioni nga Bashkësia Fetare Islame e Kosovës në krye me Kryemiftiun Naim Tërnava.
Do të ishte shumë korrekte nga ana e Bashkësisë Fetare Islame të RMV-së që sa më shpejt të dalin me një njohtim deri te simotra e saj në Kosovë por edhe të njohtonin opinionin e gjërë për një mbyllje të Institucionit si shkas i vetëizolimit të “rijasetit” deri në rezultatet e testeve të dyta për Korona Virus.
Fatkeqësisht, anëtarë të Rijasetit janë të gjithë Myftinjtë, të cilët jo njëherë janë mbledhur këto ditë, madje, disa nga myftinjtë kanë pasur edhe takime me imamët e myftinive përkatëse. Ndërhyrja dhe masat e nevojshme në këtë Institucion janë më se të nevojshme, ndryshe, do të kemi një vatër e cila do ta gjunjëzojë tërë shtetin, apo, siç thoshte Sulejman Rexhepi, do të bëhet këtu “Banglladesh”!